Дарагая, наш сын вылаяўся матам

Непрыемны інцыдэнт адбыўся сёння ў другой палове дня паводле беларускага часу. Дзесяцігадовы Пашка, сын мажджалінскага ўрача Артура Дурава, выпадкова вылаяўся матам пры сваім бацьку.

Доктар Дураў, які трымаецца архаічных патрыярхальных форм выхавання, адразу ж адмераў сыночку добрага плескача. Пашка расплакаўся, спадзеючыся разжаліць тату. Але тата заставаўся прынцыпова строгім. Ён уручыў сыну паперку з ручкай і загадаў пісаць тлумачальную доктарскім почыркам. Калі праз гадзіну гэта ў хлопчыка збольшага атрымалася, Артур даў сыну «шчаўбана» (пстрычку) за памылкі і прымусіў чытаць падшыўку газеты «Медицинский вестник» ды шукаць там нецэнзурную лексіку.

«Ругнуўся, бо вырвалася». Фрагмент тлумачальнай Паўла Дурава для бацькі

На момант напісання гэтых радкоў Паша Дураў працягваў выконваць бацькава заданне. Суседзі ўжо задаліся двума пытаннямі: 1) ці не парушае Артур правы дзіцяці? 2) яблычка ад яблыні?

Застаецца толькі цешыцца, што хутка Яблычны Спас.